- Martínez Sanjurjo: “Os ordenses desexan seguir pola senda de estabilidade, crecemento e previsibilidade iniciada por Mariano Rajoy”
Ordes, 27 de xuño de 2016.- O Partido Popular de Ordes agradece a
renovada confianza recibida nos comicios celebrados onte, nos que esta
formación acadou o 48,86% dos votos
emitidos neste municipio, case catro puntos máis que hai seis meses, e cun
apoio que se sitúa tamén por riba da media provincial, autonómica e estatal.
O alcalde de Ordes, José Luis
Martínez Sanjurjo, interpreta o elevado apoio recibo onte polo Partido Popular
como un sinal inequívoco de que os ordenses desexan continuar pola senda de
estabilidade, crecemento e previsibilidade iniciada por Mariano Rajoy catro
anos atrás á fronte do Goberno de España, ao tempo que refrenda as políticas
desenvolvidas por Alberto Núñez Feijóo desde a Presidencia da Xunta de Galicia.
Tamén en clave local, Martínez
Sanjurjo considera que o crecemento do apoio ao Partido Popular pode entenderse
como un respaldo explícito á xestión rigorosa que está a desenvolver desde hai
escasamente un ano á fronte do Concello de Ordes.
Para Martínez Sanjurjo, o
resultado de onte é un revulsivo adicional para seguir traballando desde o
Concello en defensa do interese xeral e sen máis limitacións que o interese
supremo de Ordes e a súa veciñanza.
Martínez Sanjurjo reitera tamén
o seu agradecemento a todos os militantes e simpatizantes do Partido Popular
que colaboraron no desenvolvemento da pasada campaña electoral.
