sábado, 6 de mayo de 2023

Martínez Sanjurjo: “Ordes decidirá entre o avance e a estabilidade dos últimos anos ou volver ás falcatruadas que todos recordamos”

  • Arredor de 900 veciños arroupan a presentación da candidatura do PP de Ordes
  • O conselleiro de Sanidade comprométese a realizar probas de radiodiagnóstico en Ordes, evitando desprazamentos a Santiago
  •  A lista popular inclúe cinco novas incorporacións, catro deles mozos/as que votarán por vez primeira o 28-M
  • Martínez Sanjurjo fai balance dos últimos catro anos como alcalde: máis do 80% do programa electoral está cumprido



 

 

Ordes, 6 de maio de 2023.- O Partido Popular de Ordes presentou na noite do pasado venres a candidatura coa que se concorrerá ás vindeiras Eleccións municipais, un equipo humano encabezado por José Luis Martínez Sanjurjo, que aspira a revalidar a Alcaldía con maioría absoluta. 

 

Arredor de 900 de veciños déronse cita no pavillón Campomaior da vila para arroupar a candidatura. O acto contou coa participación do conselleiro de Sanidade da Xunta, Julio García Comesaña, quen anunciou que o departamento que dirixe se dispón a realizar en Ordes probas de radioagnóstico programadas, evitando deste xeito moitos desprazamentos a Santiago.





 

Na súa intervención, Martínez Sanjurjo apuntou que 5 dos 17 integrantes da candidatura se presentan por vez primeira e que catro deles/as votarán por vez primeira o 28 de maio, dada a súa xuventude. “Creo que é bo -e a experiencia así o demostra- combinar veteranía con renovación”, apuntou o aspirante a reelección. A lista inclúe representantes de cada unha das 13 parroquias de Ordes.




 

Comicios determinantes

 

A xuízo do alcalde popular, os do 28-M “será uns comicios determinantes para Ordes, para decidir entre continuar pola senda de avance e estabilidade pola que levamos circulando oito anos, mellorando os servizos públicos, coas contas do Concello saneadas, e co interese xeral da veciñanza como único obxectivo; ou volver ás falcatruadas duns e outros, que todos recordamos”. 

 

Considerou tamén que a cita electoral permitirá revalidar o liderado de Alfonso Rueda, despois do relevo “modélico” na Xunta e no PPdeG; ao tempo que agarda sirva para “erguerlle a tarxeta vermella a Pedro Sánchez para dicirlles que basta xa de tanto estropicio” e facerlles ver que chegou o momento de que Alberto Núñez Feijóo colla as rendas do Goberno de España nas vindeiras Xerais.



 

Compromiso coa transparencia

 

Recordou Martínez Sanjurjo que o Partido Popular  de Ordes “cumpre o que promete e só promete o que sabe que pode cumprir”. 

 

Fiel ao seu compromiso coa transparencia e a rendición de contas, adiantou que na próxima campaña distribuirán dous documentos: o programa de Goberno e un balance da súa xestión á fronte do Concello de Ordes, titulado Dito e Feito e no que acredita a execución de máis do 80% dos compromisos cos que se presentou hai catro anos. Apuntou que no mandato municipal que agora remata, o Concello de Ordes executou máis de 300 obras por un importe superior aos 27 millóns de euros. 

 

Martínez Sanjurjo foi precedido, no uso da palabra pola número 2 da candidatura e actual tenente de alcalde de Ordes, Ana Soneira, que se mostrou orgullosa de formar parte do “equipazo” liderado polo rexedor ordense, e recordou a “amargura” e a “angustia” provocadas pola pandemia.

 

Saúdos,

viernes, 30 de octubre de 2020

O Ministerio de Transportes, Movilidad y Agenda Urbana suprime a partida de 1,2 millóns de euros comprometida na rotonda sur, PK 37 da N-550 en Ordes

  • A obra, imprescindible para continuar a rolda leste de circunvalación ata enlazar coa AC-413, mellorar a seguridade viaria e reducir riscos sanitarios retirando o tráfico pesado da rúa do Recreo, estaba comprometida nos Orzamentos de 2018 prorrogados por Sánchez
  • Pedro Sánchez agasalla a Cataluña con cartos que son de Ordes buscando a súa continuidade na Moncloa e, de paso, manter dispendios como as vacacións de luxo que desfrutou no verán mentres España padecía estreiteces pola covid-19

 

Ordes, 30 de outubro de 2020.- O Goberno central de Pedro Sánchez, a través do Ministerio de Transportes, Movilidad y Agenda Urbana, vén de suprimir no proxecto de orzamentos do Estado para 2021 a partida de 1,2 millóns de euros contemplada nos orzamentos anteriores para a execución dunha glorieta e paso inferior na saída sur da vila, punto quilométrico 37 na estrada N-550.

 

Esta obra fora comprometida polo entón presidente do Goberno, Mariano Rajoy, nunha visita efectuada a Ordes en agosto de 2015.

 

A execución desa glorieta con paso inferior N-550 permitiría dar continuidade á rolda leste (AC-408 e AC-409) de circunvalación de Ordes para enlazada coa estrada de Carballo (AC-413) e co tanatorio e cemiterio municipal do Balado para, deste xeito, desviar do pobo, e sobre todo do barrio do Recreo, todo o tráfico pesado procedentes ou con destino á comarca de  Bergantiños e ás plantas de tratamento de refugallos da Areosa ou a de Gesuga. A execución do proxecto implicaría un aumento da seguridade viaria, liberar de tráfico o centro da vila e incrementar a  reducir os cheiros e riscos sanitarios derivados do tránsito de camións cara as plantas da Areosa, entre as que se atopa unha factoría de procesamento e eliminación de animais mortos. 




 

A obra de Ordes contaba cunha partida de 500.000 euros nos Orzamentos Xerais do Estado para 2018 e 700.000 euros nas contas de 2019, como pode comprobarse no cadro adxunto Os orzamentos 2018, elaborados cando Cristobal Montoro dirixía o Ministerio de Facenda, foron prorrogados sucesivamente polo Executivo de Pedro Sánchez como consecuencia da precariedade dos seus apoios parlamentarios. Sen embargo, nada fixeron para materializar o proxecto.

 

 



A xuízo do PP de Ordes, este castigo orzamentario, extensivo a toda Galicia, só pode interpretarse como un intento de Pedro Sánchez para manterse na Moncloa a toda costa, aínda que iso implique desatender gran parte das necesidades a cambio de regar con abondosas regalías orzamentarias aos seus socios. 

 

Dito doutro xeito, Pedro Sánchez agasalla a Cataluña cos cartos que por xustiza son de Ordes para tratar de asegurar a súa continuidade na Moncloa e, de paso, consolidar dispendios como a vacacións nos palacios de La Mareta Lanzatote) e Las Marismillas (Doñana), que desfrutou o pasado verán mentres boa parte dos españois padecían as estreiteces derivadas da covid-19.

 

O Partido Popular de Ordes trasladará a situación aos deputados e senadores populares das Cortes Xerais, ao tempo que impulsará iniciativas relacionadas con este agravio no Pleno do Concello para obrigar aos restantes grupos a posicionarse en relación con este asunto e trasladar o malestar da veciñanza ao Goberno central.

jueves, 19 de septiembre de 2019

O PP de Ordes recorda que Pedro Sánchez castiga a Ordes coa paralización da rotonda que permitiría a prolongación da rolda leste


  •  O sectarismo do Goberno central acada cotas inauditas, castigando aos concellos que non son da súa cor política



Ordes, 19 de setembro de 2019.- O Partido Popular de Ordes recorda que o Goberno de Pedro Sánchez está a castigar a Ordes coa paralización do proxecto de execución da rotonda inferior da estrada N-550, na saída sur da vila, cara Santiago, que permitiría a prolongación da rolda leste Esta  actuación contaba cunha dotación de 1,2 millóns de euros nos Orzamentos Xerais do Estado (500.000 euros nos de 2018 e 700.000 € nos de 2019), compromiso do que non se volveu ter noticia desde o cambio de Goberno.

Os populares de Ordes acusan ao Executivo central de actuar cun sectarismo inaudito, que os leva a castigar aos concellos e comunidades de signo político distinto ao do actual -e agardemos que por pouco tempo máis- ocupante da Moncloa.

Proba dese sectarismo é que mentres castigan a Ordes coa paralización dun proxecto que xa estaba orzamentado, o delegado do Goberno asiste este venres ao inicio das obras  da nova glorieta da Foca, en Sigüeiro. A diferenza de trato é máis que notable.

“Alegrámonos de que comecen as obras en Sigüeiro, xa que moitos veciños de Ordes padecen de cote os problemas de tráfico nesa localidade, pero tamén pedimos xustiza e trato equitativo, para que Ordes poda dispoñer da nova glorieta, necesaria para dar continuidade á rolda leste cara a estrada de Carballo, retirar tráfico pesado da vila e mellorar a seguridade viaria”, afirman os populares ordenses.


O PP local censura a actitude do delegado do Goberno en Galicia, que lonxe de atender ás necesidades dos diferentes concellos, actúa como un comisario político empeñado en cercenar os dereitos da cidadanía que votou maioritariamente a opcións políticas diferentes á súa.

lunes, 27 de mayo de 2019

Martínez Sanjurjo comprométese a responder á confianza maioritaria cunha xestión responsable e honesta ao servizo de toda a veciñanza de Ordes


  • “Desde xa quedo, como fixen sempre, a disposición das veciñas e veciños”, afirma o alcalde electo do PP


Ordes, 27 de maio de 2019.-  O alcalde electo de Ordes, José Luis Martínez Sanjurjo, agradece “de corazón” a confianza maioritaria colleitada onte nas urnas pola súa candidatura e comprométese a responder a ese respaldo con “xestión responsable, honesta e obxectiva, sen máis ataduras que a defensa do interese xeral de Ordes”.

“Na Lexislatura que comeza serei o alcalde de todas e todos os ordenses: dos que me votaron e tamén dos que lexitimamente optaron por outras opcións”, afirma o alcalde electo do Partido Popular, para engadir que “desde xa quedo, como fixen sempre, á disposición da veciñanza”. Martínez Sanjurjo agradece o traballo de todo o equipo do PP de Ordes e tamén as críticas que contribuíron a mellorar o seu proxecto político.

O respaldo do 49,3% dos votantes de Ordes ao Partido Popular acredita, a xuízo de Martínez Sanjurjo, que é posible facer política desde unha óptica construtiva, presentado un balance de xestión e explicado á veciñanza o programa de Goberno para os vindeiros catro anos, lonxe de calquera tipo de descualificación persoal, como as que padeceu constantemente o PP local.


O alcalde electo de Ordes atribúe os resultados electorais á xestión desenvolvida polo equipo de Goberno que encabezou durante os pasados catro anos e que, malia ter que lidar cunha levada débeda municipal, foi quen de acadar para este Concello un investimento público superior aos 20 millóns de euros. “A honestidade, a transparencia e o rigor foron e serán o noso sinal de identidade; se algo non podemos facer, explicámolo, pero xamais se debe enganar á veciñanza. Ademais, o meu despacho e o meu teléfono están permanentemente abertos”, recorda. 

Grazas, de corazón

💙💙💙💙💙💙💙💙💙

Unha vez rematado o escrutinio e confirmada a maioría absoluta do Partido Popular de Ordes nas Eleccións Municipais, é o momento de dicir GRAZAS.

Agradecemento a todas as veciñas e veciños que, co seu voto, fixeron posible a maioría absoluta do Partido Popular de Ordes.

Agradecemento a todo o equipo do PP de Ordes (candidatura, militantes, simpatizantes e colaboradores) por desenvolver unha campaña electoral modélica, en positivo, e sen entrar nas descualificacións que outros nos propinaron.

E agradecemento a cantos, coas súas críticas, nos axudaron a mellorar o noso proxecto.

O Partido Popular de Ordes acadou un resultado histórico neste contexto de fragmentación política, resultado ao que que trataremos de responder como viñemos facendo ata o de agora: cunha xestión responsable, honesta e obxectiva, sen máis ataduras que a defensa do interese xeral de Ordes.

Na Lexislatura que comeza, serei o alcalde de todas e todos os ordenses: dos que me votaron, e tamén dos que lexitimamente optaron por outras opcións.

Desde xa, quedo, como fixen sempre, ás disposición da veciñanza.

Grazas, Ordes!!! De corazón.

sábado, 4 de mayo de 2019

“Honestidade, transparencia, atender as demandas da xente e xestionar con sentidiño”, eixes de Martínez Sanjurjo para os vindeiros 4 anos no Concello de Ordes

  • O PP de Ordes presentou este venres a súa candidatura municipal, cunha renovación do 44% e unha idade media de 35 anos
  • O 26 de maio elixiremos “entre un Concello ao servizo de todos, ou regresar ao pasado”
  • Subliña o elevado cumprimento do seu programa electoral do 2015, do que destaca a estrada de Mercurín



Ordes, 4 de maio de 2019.-O Partido Popular de Ordes presentou este venres a candidatura coa que concorrerá ás vindeiras Eleccións Municipais e que, en palabras do candidato á Alcaldía, José Luis Martínez Sanjurjo, “responde ao que Ordes é e aspira a ser: un municipio conformado por boa xente, honrada, traballadora e con capacidade de superación”. O acto contou coa participación da conselleira de Infraestruturas e Mobilidade, Ethel Vázquez.


Martínez Sanjurjo insistiu durante toda a súa intervención en que os eixes do PP de Ordes para os vindeiros catros anos, ao igual que durante a Lexislatura que vén de rematar, se sustentan sobre a “honestidade, transparencia, plena disposición para atender as demandas da xente e xestionar con sentido. Esta é a nosa razón de ser”.




O candidato popular confrontou este xeito de gobernar co “caciquismo e o intercambio de favores” que caracterizou ao seu predecesor na Alcaldía de Ordes. “Poderedes elixir entre un Concello aos servizo de todos ou regresar ao pasado”, afirmou.

Moita canteira

A candidatura municipal do PP de Ordes está conformada por 17 titulares e 10 suplentes, “o que revela que temos moita e boa canteira”. As 12 caras novas da lista supoñen un 44% de renovación. A idade media é de 35 anos, “porque a xente nova merece unha oportunidade”.

Durante a presentación, celebrada no Plató Tex 45, ateigado de xente, Martínez Sanjurjo aproveitou para facer balance dos seus primeiros catro anos como alcalde de Ordes, unha etapa na que “traballamos arreo, con moitas dificultades, pero tamén coa satisfacción de facelo desde a honestidade, a transparencia e a plena dispoñibilidade para facer e escoitar e todo o mundo”.



Indicou que tanto a precampaña como a campaña electoral é un tempo propicio para anunciar propostas, pero tamén para render contas e retou aos “autores da desfeita que recibimos no 2015” a dar explicacións sobre, por exemplo, o destino dos mais de 5 millóns de débeda bancaria e das múltiples facturas que deixaron sen pagar.

Dito e feito

Adiantou que boa parte do programa electoral a oito anos co que o PP de Ordes concorreu ás Municipais de 2015 está xa executado e puxo como exemplo a nova estrada de Ordes a Cerceda, por Mercurín; o novo parque infantil cuberto, o centro sociocomunitario en avanzado estado de execución, as medidas de apoio ao deporte local, as sendas peonís, o albergue de peregrinos ou o saneamento das contas do concello, que bordeaban a bancarrota. “Dito e feito. Iso é o que significa votar ao PP”

“Nós redemos contas, porque os cartos públicos non son nosos, son das veciñas e veciños de Ordes, saen dos impostos de todos e por iso estamos especialmente obrigados a xestionar con rigor, honestidade, rectitude e a máxima transparencia”, afirmou Martínez Sanjurjo. “O que lle reclamamos aos demais aplicámolo primeiro en nós mesmos, como ten que ser”.

“Non todos somos iguais”

Martinez Sanjurjo foi precedido no uso da palabra pola número 2 da lista e actual tenente de alcalde de Ordes, Ana Soneira, que recordou todas as dificultades e atrancos cos que se atopou o PP de Ordes catro anos atrás, despois de gañar as eleccións.  Insistiu, referíndose a UXO, que “non todos somos iguais, Nós somos xente honesta e traballadora. Non vimos aquí a lucrarnos nin a chupar do bote”.


Recordou que o Goberno local do PP estivo permanentemente ao carón da xente e das súas preocupacións. Puxo como exemplo o informe técnico municipal que conlevou a recente anulación do vertedoiro de residuos que unha empresa pretendía instalar en Lesta. 


domingo, 18 de noviembre de 2018

O PP de Ordes valora adoptar medidas de presión para reclamar a inmediata licitación da nova rotonda e paso inferior da N-550



  • Desde o PP local advirten que non permitirán que o PSOE de Pedro Sánchez prive a Ordes de 1,2 millóns de euros, xa presupostados, para entregárllelos aos independentistas cataláns
  • A obra debería ser licitada antes do 31 de decembro, dado que os orzamentos deste ano consignan unha partida de 500.000 euros para este proxecto 
  • A intervención é imprescindible para prolongar a ronda leste cara a estrada de Carballo, mellorar a seguridade viaria e desconxestionar a vila de tránsito viario 


Ordes, 17 de novembro de 2018.-O Partido Popular de Ordes valora a adopción de diferentes medidas de presión encamiñadas a lograr a inmediata licitación, antes do vindeiro 31 de decembro, das obras de construción da nova rotonda e paso inferior na estrada N-550, na saída sur da poboación, en dirección Santiago. 

Dado que a licitación da obra podería terse efectuado hai xa varios meses, o PP de Ordes contempla con extrema preocupación o retraso deste trámite, ata o punto de temer a perda da partida presupostaria consignada para a obra. 

Semanas atrás, o alcalde de Ordes remitiu unha carta ao ministro de Fomento solicitándolle unha entrevista, ou coa persoa na que delegase, para abordar esta situación, pero a día de hoxe a misiva continúa sen resposta. Desde o PP de local advirten que non permitirán que o PSOE de Pedro Sánchez prive desta obra de vital importancia á veciñanza de Ordes e aos milleiros de usuarios que cada día usan a estrada N-550. Nesta liña, os populares ordenses trasladarán esta situación ao vindeiro Pleno do Concello, previsto para o vindeiro 29 de novembro, onde porán sobre a mesa as hipotéticas medidas de presión a adoptar de non obter unha resposta convincente por parte do Ministerio de Fomento, responsable da obra, antes desa data. 
A actuación conta cunha partida orzamentaria de 500.000 euros nos Presupostos Xerais do Estado para 2018 e con 700.000 euros nos de 2019, ata completar un total de 1,2 millóns de euros. 

Desde o PP local advirten que non permitirán que o PSOE de Pedro Sánchez prive a Ordes de 1,2 millóns de euros, xa presupostados, para entregárllelos aos independentistas cataláns ou a calquera outro socio populista.

A nova rotonda e paso inferior da N-550 resulta fundamental para o Concello de Ordes e para todos os usuarios da estrada nacional, caracterizada por una elevada densidade de tráfico.


Só unha vez executada esta conexión se poderían comezar o traballos de  prolongación da rolda leste (que na actualidade funciona como circunvalación alternativa para o tráfico que circula pola estrada N-550 polo centro da vila) cara a estrada Ordes-Carballo. Unha vez executada a prolongación, o tráfico procedente da autoestrada con dirección a Carballo e viceversa podería evitar o centro do pobo. O mesmo sucedería cos camións que transportan cadáveres de animais con dirección á planta de tratamento da Areosa e que na actualidade atravesan o barrio do Recreo, cos conseguintes riscos sanitarios, ademais de xerar cheiros, conxestión viaria e notables molestias para a veciñanza.