· No
transcurso dunha vista do secretario provincial do PP e presidente da
Deputación a Ordes, o candidato popular á Alcaldía efectuou con el unha vista
ás principais necesidades da vila, entre elas o pavillón polideportivo do CEIP Campomaior
· O PP de
Ordes denuncia que Regos continúa mentindo abertamente aos veciños, como cando
anuncia un centro de emprendedores, malia que recentemente negou axudas que
comprometera anteriormente para esa iniciativa
Ordes, 21 de maio de 2015.- O candidato do Partido Popular á Alcaldía de Ordes, José
Luis Martínez Sanjurjo,amosou persoalmente e sobre o terreo as principais
necesidades da vila ao presidente da Deputación da Coruña e secretario
provincial do Partido Popular, Diego Calvo, nunha visita que este efectuou á
localidade.
Martínez
Sanjurjo levou a Diego Calvo ao CEIP Campomaior, que entre outras necesidades,
precisa do arranxo do pavillón polideportivo e a dotación de novos equipamentos
como duchas e ximnasio que poda ser utilizado non só pola comunidade escolar,
senón tamén polos veciños da vila fóra do horario escolar.
Esta
medida figura no programa electoral do Partido Popular para as vindeiras
eleccións municipais logo de ter proposto, infrutuosamente, no Pleno do
Concello, financiar as obras con cargo aos plans anuais de cooperación da
Deputación. “Pero, coma sempre, Regos e
os seus socios tiñan outras prioridades que non cadraban coas dos veciños”,
explica Martínez Sanjurjo.
O PP
de Ordes dispón dun anteproxecto e un estudo que acredita a viabilidade deste
ximnasio, como fixo con outras propostas incorporadas ao seu programa
electoral.
Tractores municipais fóra de uso
O
candidato popular tamén explicou ao presidente da Deputación a situación dos
dous tractores de titularidade municipal que foran adquiridos no seu momento polo
Concello de Ordes para desbrozar pistas e camiños e que o Goberno de Regos retirou
do servizo e trasladou a unha nave privada. No seu lugar, o Concello contratou os
labores de desbroce a unha empresa privada, co conseguinte encarecemento do
servizo e diminución da eficacia.
O
programa do Partido Popular propón volver a poñer en servizo, durante todo o
ano, os dous tractores do Concello, solicitando a axuda da Deputación e doutras
administracións no caso de que fose necesaria a substitución de algunha das
máquinas.
Diego
Calvo amosouse receptivo ás demandas formuladas por Martínez Sanjurjo e
comprometeu o apoio da Administración provincial a estas propostas.
Non hai centro de emprendedores
Desde
o Partido Popular de Ordes tamén se amosan extremadamente críticos coas
reiteradas mentiras do aínda alcalde de Ordes durante esta campaña electoral,
como o anuncio de posta en marcha dun centro de emprendedores na vila.
Desvela
o Partido Popular, que o Concello de Ordes denegou xa expresamente algunhas das
axudas comprometidas meses atrás con persoas interesadas en instalarse nese
hipotético centro de emprendedores. Un dos afectados, ao que o Concello retirou
a axuda que lle anunciara previamente, é un investigador mozo que pretendía
desenvolver traballos de xenómica. Esa axuda, agora anulada, chegara a ser anunciada oficialmente polo
Concello nos medios de comunicación meses atrás.
