- Entre as propostas presentadas inclúe tamén obras de mellora no Pavillón Polideportivo do CEIP Campomaior así como diferentes proxectos excluídos polo Concello no POS 2015 financiado pola Deputación da Coruña
- Propón efectuar a adxudicación dos traballos mediante o procedemento negociado con publicidade, para transparentar a contratación e incrementar a concorrencia
Ordes, 16 de decembro de 2015.- O Partido Popular de Ordes acaba de remitir un documento
con propostas para incluír nos Orzamentos do Concello para o ano 2015, entre as
que figura un plan de mantemento integral para a totalidade da rede viaria
municipal.
A
proposta, asinada polo portavoz municipal do PP local, José Luis Martínez
Sanjurjo, pretende que o Concello presuposte nos Orzamentos de 2015 unha
partida coa que financiar a limpeza da totalidade da rede viaria municipal con
especial atención aos foxos e taxeas, ademais de rebachear as fochancas
existentes nas vías deterioradas, para evitar que se incrementen os
desperfectos das mesmas. Os populares de Ordes entenden que estes traballos se
deberían adxudicar mediante o
procedemento negociado con publicidade, para transparentar a contratación
municipal e incrementar a concorrencia.
Outras obras na rede viaria
Tamén
no capítulo da rede viaria, o Partido Popular de Ordes propón presupostar seis
proxectos que o Concello excluíu do POS 2015 financiado pola Deputación da
Coruña. En concreto, o PP local estima que o Concello de Ordes debería executar
directamente as seguintes actuacións:
- Arranxo da pista que parte da estrada N-550, pasando pola Reboira, ata a canteira de áridos.
- Acadar a plena operatividade das obras de saneamento executadas en Ordes, Ardemil e Buscás.
- Arranxo da pista entre Mesón do Vento e Morgade.
- Execución e arranxo de beirarrúas na Rúa Nova de Ordes, no tramo comprendido entre as súas Rosalía de Castro e Galicia.
- Execución e arranxo de beirarrúas na Rúa de Campeiras e Travesía de Campeiras.
- Arranxo da pista que comunica o núcleo de Ameixeira con Carballedo (Vilamaior).
Pavillón do CEIP Campomaior
O
Grupo Municipal do Partido Popular de Ordes insta tamén ao Concello a
presupostar a execución das melloras que precisa o pavillón polideportivo do
CEIP Campomaior, como a substitución da cuberta e os laterais para garantir un axeitado illamento térmico e acústico e
mellorar a iluminación natural interior mediante tragaluces.
Nesta
intervención, o PP local propón tamén mellorar o illamento térmico dos
paramentos verticais, mellorar a acústica do recinto; instalar un novo piso
sobre a actual pista de formigón para facilitar o desenvolvemento das
actividades deportivas habituais, incluíndo as clases de educación física dos
alumnos matriculados neste centro escolar. Propoñen, ademais, intervencións encamiñadas
a mellorar o sistema de iluminación artificial e os vestiarios e aseos xa
existentes.
