- Os populares de Ordes propoñen destinar a subvención da Deputación da Coruña á execución de 55 intervencións, a maioría en pistas de titularidade municipal necesitadas de arranxo logo de anos de desidia
- Na vila, o PP pide arranxar as beirarrúas da Rúa Nova e Campeiras
- Á marxe dos viais, suxire poñer en servizo a as obras de saneamento xa executadas en Buscás e Ardemil
Ordes, 5 de novembro de 2014.- O Partido Popular de Ordes
propón executar un total de 55 actuacións con cargo á subvención de 400.670
euros concedida pola Deputación da Coruña a este concello no marco do Plan de
Obras e Servizos 2015.
Agás a proposta de poñer en
servizo as obras de saneamento xa executadas nas parroquias de Buscás e
Ardemil, as restantes intervencións que o PP considera necesario valorar executar
con esta partida (o Concello só está obrigado a participar no cofinanciamento
dos proxectos cunha achega do 5% do orzamento previsto) corresponden a obras de
arranxo e mellora da rede viaria municipal.
O portavoz municipal do Partido
Popular de Ordes, José Luis Martínez Sanjurjo, estima necesario priorizar o arranxo de pistas,
estradas e acesos a vivendas na medida en que o Concello leva anos desentendéndose
destes equipamentos, que en numerosos puntos presentan un estado lamentable que
require unha intervención inmediata.
Radiografía da realidade
“Como en reiteradas ocasións o
alcalde ten dito que as pistas e estradas de Ordes están esplendorosas,
demostrando un clamoroso descoñecemento da realidade, desde o Partido Popular
ofrecémoslle una radiografía detallada de unha boa parte das necesidades cotiás
dos veciños. Agardamos que tomen nota da situación e, dunha vez por todas, se
decidan a atender as verdadeiras necesidades dos sufridos contribuíntes de
Ordes”, agrega Martínez Sanjurjo.
Na capital municipal, o PP
propón cofinanciar coa partida económica achegada pola Deputación o arranxo das
beirarrúas na Rúa Nova, no tramo comprendido entre as rúas Rosalía de Castro e
Galicia. Tamén na vila de Ordes, os populares instan ao Concello a reformar as
beirarrúa na Rúa e a Travesía das Campeiras, entre outras intervencións.
(Axúntase proposta íntegra na
que se detallan todas as intervencións propostas polo PP para ser financiadas
con cargo ao POS 2015)