· Mentres
noutros concellos do contorno se aplican bonificacións para as construcións de
uso agrícola e gandeiro, Regos rexeitou esta opción e optou por deixar como
únicos beneficiados os derivados de erros na cartografía catastral
· O PP local
incluirá bonificacións do 95% para a totalidade das instalacións agrícolas e
gandeiras no seu programa de 2015
Ordes, 1 de novembro de 2015.- Os recibos do IBI que estes días reciben os agricultores
e gandeiros de Ordes presentan diferenzas do 100% para instalacións de
características similares, como consecuencia dunha elaboración chapuceira da
ponencia de valores aprobada as presas o pasado ano 2013 por UxO e PSOE, para poder
facer fronte ao crédito das facturas impagadas por valor de 2,8 millóns de
euros incluídas no plan de pagamento a proveedores.
As diferenzas
no Imposto sobre Bens Inmobles (IBI ou contribución) son consecuencia da
decisión do Goberno local liderado por Regos e Marín de non aplicar unha
bonificación xeral para as instalacións destinadas a usos agrícolas e
gandeiros, como están a facer con normalidade outros concellos da comarca e
provincia.
O
alcalde de Ordes, pola contra, optou por mirar a outro lado, e permitir que só se
beneficiaran as instalacións situadas en determinadas zonas do termo municipal
que non foron recollidas na nova cartografía catastral, o que provoca que no
mesmo Concello uns veciños non paguen nada e outros teñan que pagar polo 100%
do valor catastral de construcións como alpendres, cortes ou silos.
Para
poñer fin a esta situación, o portavoz municipal do PP de Ordes e candidato á
Alcaldía, José Luis Martínez Sanjurjo, incluirá no programa electoral co que
concorrerá ás municipais de 2015 o compromiso de articular unha bonificación
máxima do 95% para a totalidade das instalacións de uso agrícola e gandeiro do
Concello de Ordes.
