· O “exceso de motoserra por indicación
do alcalde” xera danos irreparables que poden contaxiar aos restantes árbores
Ordes, 29 de outubro de 2014.- Un tratamento silvícola
inadecuado, consistente nun “exceso de motoserra nas ramas aplicado por
indicación do alcalde” ameaza con facer desaparecer tres árbores centenarias da
Alameda de Ordes, segundo denuncia o Partido Popular.
Os exemplares presentan síntomas
de estar afectados por unha enfermidade, que
evoluciona cara unha podremia irrecuperable e ten a súa orixe na poda
abusiva aplicada por indicación do alcalde para facer sitio aos escenarios das
orquestras logo das obras de ampliación da Alameda executadas no pasado
mandato.
O Partido Popular de Ordes
advirte que de non aplicarse xa un tratamento fitosanitario adecuado e
inmediato, a enfermidade destas árbores pode estenderse a tódolos exemplares do
seu contorno, poñendo en risco de desaparición un patrimonio vexetal valioso.
O PP preguntará sobre esta situación no vindeiro
pleno ao ter o convencemento de que situación non se tería producido de non ter
intervido o alcalde nun intento por xustificar a utilidade das obras de
ampliación da Alameda. 
