* O Concello derrocha máis de 5.800 euros para
mercar elementos de luxo como unha papeleira e escobiña de baño por 78,65
euros, un portarolos de papel hixiénico valorado noutros 78,65 euros ou un dispensador
de xabón que custou outros 101,64 euros adicionais para unha construción que
semella un galpón
* O Partido Popular, ao que o Concello só lle
permitiu ver a factura, sen facilitarlle copia da mesma, considera que este
derroche constitúe unha falta de respeto ás familias de Ordes que teñen
dificultades para chegar a fin de mes e ás que o Concello “sablea” con
sucesivas subas de impostos
Ordes. 22 de novembro de 2014.- O Concello de Ordes vén de derrochar un total de 5856,40
euros no equipamento da canceira municipal, unha edificación de reducidas
dimensións que non contempla a presenza permanente de operarios, construída
recentemente cunha subvención do Leader (fondos Europeos) por un importe total
de 57.246,61 euros.
O
custo da instalación e o equipamento pagado polo Concello de Ordes con fondos
propios á marxe da subvención recibida, constitúe un insulto e unha falta de
respecto aos centros de familias que teñen serias dificultades para chegar a
fin de mes e ás que o Concello, “sablea” con sucesivas subas de impostos, como
aconteceu co IBI ou coas taxas municipais.
Prohibido reproducir a factura
O
Partido Popular, tras examinar o expediente da obra e alertado do derroche
impulsado polo Concello, solicitou copia da factura. Sen embargo, o Concello
negouse a facilitar copia da mesma e só permitiu que o portavoz municipal do PP
de Ordes, José Luis Martínez Sanjurjo, puidese visualizar o documento.
A
factura amosada a Martínez Sanjurjo certifica o pagamento de conceptos tan
reveladores como insultantes. A modo de exemplo, o Concello mercou para a
canceira municipal unha papeleira e escobiña de baño por valor de 78,65 euros.
O Goberno de Regos gastou outros 78,65 euros nun portarolos de papel hixiénico
para o mesmo baño, e 101,64 euros adicionais nun dispensador de papel e xabón.
Semella o baño de Buckingham Palace
“Máis que
para o baño dun galpón -que é realmente ao que se semella a canceira municipal
de Ordes, dado que en esta instalación, de uns 53 metros de superficie
construída, nin sequera está prevista a presenza de persoal permanente- semella
que o Concello mercou elementos de luxo para un baño de Buckingham Palace.
Definitivamente, acredítase que Regos e Marín perderon a cordura política e non
son capaces de recuperala”, asevera o portavoz municipal do PP de Ordes, José
Luis Martínez.
¿Regos ou Marín?
O
Partido Popular preguntase quen tomou a decisión de mercar estes elementos, que
se poden atopar en establecementos do
pobo a un prezo 4 ou 5 veces inferior. “¿Quen faría a elección, Regos ou
Marín?”.
O
pasado verán, o Partido Popular denunciou que o Concello de Ordes pagara tamén
unha factura de 25.410€ a cambio de nada, xa que se ben no concepto figuraba o
amoblamento do local social do Mesón do Vento, os mobles non se levaron ata un
ano despois, xusto cando o PP desvelou a falcatruada. E finalmente levaron 75
sillas, a razón de 338 €/unidade; e que na actualidade continúan amoreadas nun
recuncho da instalación.