· O proxecto
de PXE para 2015 tamén inclúen unha partida de 1,2 millóns de euros para
actuacións de mantemento para rehabilitación da N-550 e 822.000€ para rematar o
proxecto da variante de Ordes
Ordes, 1 de outubro de 2015.- O
Partido Popular felicítase pola inclusión dunha partida de 208.000 euros nos
Presupostos xerais do Estado para executar as obras de mellora da intersección
do acceso a Queis, na parroquia de Montaos, en Ordes, no p.k. 41+200 da estrada
N-550.
Esta
obra é unha vella demanda dos veciños da zona, obrigados ata o de agora a
efectuar a parada para o xiro na propia estrada, ou alongar os desprazamentos que
posibiliten os cambios de sentido. O proxecto de Presupostos Xerais do Estado
para 2015 contempla unha partida de 144.000 euros para o próximo ano, cifra que
se complementa cun investimento adicional de 64.000€ no exercicio de 2016.
Demanda veciñal
A
intervención permitirá mellorar a seguridade viaria na zona. A proposta fora trasladada ao Goberno central
no transcurso dunha reunión cos veciños organizada polo Partido Popular e que
contou coa asistencia da senadora do PP por A Coruña María Jesús Sáinz e a
deputada no Congreso Marta González.
Mantemento e rehabilitación da N-550
O
proxecto de PXE para 2015 consigna tamén unha achega de 1.257.000 euros para
actuacións de mantemento para rehabilitación do firme na estrada N-550 entre os
pkk 3+600 e 57,834, á que se sumará outra adicional de 555.000€.
Variante de Ordes
O
documento presupostario para o próximo exercicio incorpora, ademais, unha
partida de 822.000€ para financiar o remate dos traballos do proxecto da variante de Ordes da N-550, un trazado de
6,5 km, longamente agardado polos veciños e que permitirá desconxestionar de
tráfico o núcleo urbano da vila.
José
Luis Martínez Sanjurjo, portavoz municipal do Partido Popular de Ordes, saúda a
incorporación destas partidas orzamentarias por ofrecer solucións a demandas
reais dos veciños ao tempo que, na súa opinión, se acredita que, “o Partido
Popular cumpre os seus compromisos”.