· Un exemplo: arranxa o desperfecto dunha plataforma
xiratoria do parque infantil cunha botella de plástico e cinta adhesiva
Ordes, 22 de setembro de 2014.- O desleixamento que caracteriza
a xestión do Concello de Ordes en todos
os ámbitos e se visualiza especialmente no mantemento dos equipamentos públicos
volve chegar ao parque infantil municipal Félix Rodríguez de la Fuente.
Como acredita a fotografía
adxunta, o desperfecto que presenta desde hai varias semanas unha plataforma
circular xiratoria foi ocultado cun
anaco de botella de plástico e suxeito con cinta adhesiva.
O Partido Popular preguntará por
esa anomalía no vindeiro Pleno, por entender que con este xeito de actuar o
Concello non só evidencia unha xestión chapuceira senón –o que é realmente
grave- que podería poñer en risco a integridade dos usuarios do parque infantil.