· O PSOE está rabioso polo bo trato
dispensado polo Goberno central a Ordes nos PXE; mentres que o apoio dos
socialistas ao alcalde de Ordes permite a Regos edifique unha rede clientelar
con recursos públicos que os veciños xa lles reprochan
· O PP organizou en Ordes unha reunión
dos afectados cunha senadora e unha deputada; o PSOE deixou pasar as dúas
lexislaturas de ZP mirando cara outro lado
Ordes, 3 de outubro de 2014.- O Partido Popular de Ordes insta
ao PSOE local -rabioso polo trato
positivo dispensado polos Presupostos Xerais do Estado de 2015 á localidade,
mentres que durante os oito anos de Zapatero nada fixeron por este municipio- a
asumir a realidade, e moi especialmente o papel de cómplice e encubridor das
falcatruadas cometidas por Manuel Regos como alcalde de Ordes desde a pasada
lexislatura.
O apoio incondicional prestado
polo PSOE de Ordes ao equipo de Goberno de Manuel Regos comeza a pasar factura
ao socialismo ordense, ata o punto de que os veciños xa lles reprochan abertamente
o seu desacordo pola coalición PSOE-UXO, da que nada advertiron antes de
someterse ao veredicto das urnas.
O PSOE, nun pozo sen fondo polo seu apoio a Regos
O Partido Popular de Ordes
interpreta os ciumes do PSOE local polo apoio do Goberno central a Ordes como
unha evidencia máis da súa impotencia para saír do pozo sen fondo no que están
sumidos desde que se tenderon nos brazos de Regos, por moito que agora traten
de remedialo mediante asesores externos.
Lonxe de reportarlles réditos
positivos, o apoio do PSOE ao alcalde de Ordes está a permitir que Regos e
Marín edifiquen unha rede clientelar con recursos públicos. Os socialistas,
entanto, prefiren aplaudir e mirar cara outro lado, malia o hálito pestilente
que desprenden moitas das prácticas impulsadas polo alcalde e que só o PP se
atreve a denunciar.
Orgullosos do apoio presupostario
O PP de Ordes reitera o seu
orgullo polo trato dispensado polos PXE de 2015 a Ordes, como queda acreditado
coa achega de 208.000 euros consignada para executar intersección de Queis, na
N-550, en Montaos; os 1,2 millóns de euros para actuacións de mantemento para
rehabilitación do firma na estrada N-500; e os 822.000€ destinados a financiar
o remate do proxecto da Variante de Ordes.
Mentres que o PP organizou en
Ordes unha reunión cos veciños, na que unha senadora e unha deputada do PP
acudiron a coñecer a situación real para trasladala a Madrid, o PSOE perdeu o
tempo xustificando as desfeitas de ZP. Proba diso é que nada do que agora
critican foi plantexado ata o de agora no Pleno municipal.