· Urxe ao
Concello, titular da instalación, a acometer o arranxo con carácter inmediato,
para evitar que que o deterioro vaia a máis
· Cuestiona que
o Concello dedicase os seus recursos a pintar a instalación coa cor de UXO,
cando o que urxe é reforzar a estrutura
Ordes, 8 de outubro de 2014.- O Pavillón
Polideportivo Municipal Castelao II de Ordes, presenta danos estruturais que
necesitan unha revisión e intervención urxente cunha dobre finalidade: preservar
a seguridade dos usuarios e viandantes e evitar que o deterioro se acelere coas
inclemencias meteorolóxicas agardables para os vindeiros meses.
Como
se pode comprobar nas imaxes adxuntas, o armado de ferro das columnas atópase á
vista nalgúns puntos, o que acelera o proceso de oxidación e incrementa o risco
de debilitamento da estrutura que sustenta a instalación polideportiva. A
beirarrúa anexa tamén presenta un deficiente estado de conservación, cos
conseguintes riscos para os viandantes, moitos deles nenos, dada a proximidade
do CEIP Castelao e dun parque infantil.
Neste
escenario, O partido Popular de Ordes insta ao Concello a efectuar unha
revisión inmediata da instalación por parte de técnicos independentes e
cualificados, e a acometer a reparación urxente dos danos observados.
A corrosión aflora sobre o verde UXO
O
portavoz municipal do Partido Popular de Ordes, José Luis Martínez Sanjurjo,
cuestiona o xeito de proceder do Concello respecto a esta instalación, xa que
en lugar de revisar e reparar as verdadeiras necesidades do pavillón, como os
danos estruturais agora denunciados, o Goberno de Regos optou por pintalo coa
cor de UXO, as siglas do alcalde.
“O Concello, de xeito literal, tratou de ocultar
con verde UXO as carencias da súa xestión, pero a corrosión acaba por saír
sempre á superficie: aflorou no Pavillón Castelao, e aflora tamén no equipo municipal
de Regos e Marín”, afirma Martínez
Sanjurjo.
