Ordes, 26 de maio de 2014.- O Partido Popular de Ordes agradece o respaldo electoral
acadado nas Eleccións ao Parlamento Europeo do pasado domingo, no que foi depositario
do 40,98% dos sufraxios emitidos, duplicando en apoios á seguinte candidatura,
o PSOE, que acadou o 20,08% das papeletas.
Con
todo, o PP de Ordes fuxe de calquera interpretación triunfalista, e considera preciso facer autocrítica con
carácter xeral para tratar de corrixir erros, e analizar de forma particular a
baixa participación rexistrada nestes comicios.
O PP
local promete redobrar esforzos de cara ás vindeiras Eleccións Municipais,
previstas para dentro de un ano, nas que tratará de explicar á totalidade dos
veciños a súa alternativa de Goberno para Ordes, centrada nas carencias e
problemas dos veciños e alonxada das decisións irresponsables que teñen
caracterizado os sete anos de mandato do actual alcalde e que situaron a este
municipio entre os máis endebedados de Galicia a pesar de ofrecer servizos de
peor calidade que a media.
O PP
de Ordes agradece todos os apoios recibidos, pero recoñece tamén o esforzo
desinteresado desenvolvido durante as últimas semanas por un amplo equipo de militantes
e simpatizantes da formación, que colaboraron co comité de campaña.
Ao
mesmo tempo, e á vista dos resultados deste domingo, acredítase que o apoio
prestado polo Executivo local á campaña do PSOE non provocou os efectos
agardados polo alcalde de Ordes.
