· Martínez
Sanjurjo reclamará a creación desta Comisión no vindeiro Pleno, para a que pide
o apoio unánime da Corporación, xa que unha acusación de tanta gravidade só se
pode afrontar con transparencia
· “Os
veciños teñen dereito a saber a verdade, e unha nova negativa sería
interpretada como unha admisión de culpabilidade por parte do alcalde”, afirma
o portavoz do PP
Ordes, 17 de abril de 2014.- O Grupo
Municipal do Partido Popular de Ordes reclamará, no vindeiro Pleno, a inmediata
constitución dunha comisión de investigación en relación coas facturas
presuntamente falsas que a empresa concesionaria da escola infantil municipal
tería presentado para cadrar as contas do exercicio de 2010.
O importe facturado de maneira
irregular tería ascendido, supostamete, a 20.000 euros, segundo a información
publicada recentemente tomando como base investigacións do Servizo de Vixiancia
Aduaneira (SVA) nun procedemento no que está imputada a tenente de alcalde de
Ordes, Silvia Marín.
A gravidade destas informacións
esixe a inmediata constitución dunha comisión de investigación xa que, en
opinión do portavoz municipal do Partido Popular de Ordes, José Luis Martínez
Sanjurjo, a cuota de sospeita que pesa sobre o Concello só se pode afrontar con
“transparencia e facilidades absolutas para coñecer o sucedido”.
Os riscos do alcalde se veta a
comisión de investigación
“Os veciños teñen dereito a saber
a verdade, e unha nova negativa sería interpretada como unha admisión de
culpabilidade por parte do alcalde, que como responsable de canto sucede no
Concello, ten a obriga de dar a cara e ofrecer unhas explicacións que polo de
agora, non ten facilitado”, agrega o portavoz dos populares ordenses.
Martínez Sanjurjo agarda contar
co apoio dos restantes grupos da Corporación para poder constituír á maior
brevidade unha comisión especial para a investigación sobre as facturas da
concesionaria da gardería municipal, ao tempo que confía de que tanto o
alcalde como a súa número dous cambien de actitude e “permitan que os veciños
de Ordes podan coñecer a verdade, porque ata o de agora se esforzaron -e hai
que recoñecer con éxito-, en ocultar todos os aspectos cuestionables da súa
xestión”.
Sen prexulgar
Ao solicitar a comisión de
investigación non prexulgamos a ningúen: se o Concello xestionou con
neglixencia deberá responder política e xudicialmente; e se a mala praxis foi
só da empresa haberá que actuar en consecuencia. Pero o que está claro é que
hai que actuar”, conclúe José Luis Martínez.