·
O PP reclama un informe sobre a actividade do guindastre
municipal
Ordes, 26 de marzo de 2014.- O Partido Popular
de Ordes reclamará no Pleno ordinario desta semana que o Concello tome cartas no asunto para limitar o tránsito
de camións de máis de 5,5 toneladas polo
centro da vila, unha situación que se ten agudizado nas últimas semanas tras a
decisión do Goberno local de pechar ao tráfico pesado a estrada de Mercurín.
Coa
entrada en servizo da rolda leste, boa parte do tráfico pesado que ata entón
circulaba polo centro da vila, pasou a transitar por esa circunvalación, pero a
limitación de uso da estrada de Mercurín devolveu boa parte desa flota ás rúas da localidade.
Recorda
o Partido Popular que o peche desa estrada é unha decisión arbitraria do
Goberno local, que en lugar de asumir as súas responsabilidades e velar polo bo
estado dos equipamentos públicos, optou por unha medida de presión que se
volveu en contra dos interese veciñais, ao devolver o tráfico pesado á vila.
O
deterioro desa estrada, de titularidade municipal, é consecuencia de anos de
desleixamento e de falta de mantemento nunha época na que o Concello xerou unha
débeda de ata 9 millóns de euros en equipamentos de dubidosa utilidade (baixos
da Alameda, cafetería VIP na Cidade Deportiva, novo Concello,...) mentres
deixou de investir en obras necesarias.
Outras demandas
No
Pleno ordinario que se celebra este xoves no Concello de Ordes, o Grupo
Municipal do Partido Popular formulará tamén os seguintes rogos:
· Podar os arbustos ornamentais que dificultan a
visibilidade a altura da intersección da
Rúa da Reverencia coa Rúa Vista Alegre.
· Colocar unha placa identificativa da Rúa República
Arxentina no entronque con Alfonso Senra (N-550), desaparecida cunhas recentes obras acometidas nesa zonas.
· Efectuar labores de rebacheo e mantemento das cunetas no vial que discorre polo lugar
de Blanca e comunica Senra con Outeiro, na parroquia de Poulo.
· Retomar as obras de mantemento do vial que enlaza Mesón
do Vento co Seixo.
· Que os días de feira (mércores), unha vez rematada a actividade
comercial, manter o vaiado que limita o estacionamento na zona de mercado
mentres o persoal de limpeza efectúa a recollida de residuos. Desde hai un
tempo, ese peche perimetral retírase antes de tempo, o que dificulta o
traballo dos operarios por mor do tráfico rodado.
O Partido Popular reclamará tamén un informe
sobre a actividade do guindastre municipal e o importe recadado por este
servizo.