·
A día de hoxe, o perfil do contratante da web
municipal está baleiro, mentres o
Concello abusa do procedemento negociado sen publicidade
Ordes, 22 de febrero de 2014.- O Grupo Municipal do Partido Popular de Ordes defenderá
no vindeiro Pleno una moción para instar ao Goberno local a transparentar a súa
xestión publicando no perfil do contratante da web municipal todos os
procedementos de contratación que xestione, incluíndo os tramitados mediante o
procedemento negociado sen publicidade e os que teñan a condición de gasto
menor.
O portavoz municipal do PP de Ordes, José Luis
Martínez Sanjurjo, explica que esta moción xurde para facer fronte ao “uso e
abuso” que o Concello fai do procedemento negociado sen publicidade, ata o
punto de se ter convertido no Concello galego que máis utiliza esa fórmula para
contratar servizos públicos.
Pola contra, o perfil do contratante da web do
Concello de Ordes aparece baleiro de contido e sen actualizar, informando só de
algunhas adxudicacións definitivas do primeiro trimestre do ano 2012.
Con esta proposta encamiñada a transparentar a
xestión pública, o PP ordense ofrece ao executivo local una fórmula coa que
facer fronte á situación creada polas
informacións recentes que apuntan á existencia de presuntas anomalías na
xestión municipal.