·
José Luis Martínez recorda que o deterioro da vía leva
anos xestándose e que xa se puido ter reparado coas inxentes sumas que o
alcalde derrochou en obras innecesarias como os baixos da Alameda, a cafetería
VIP da cidade deportiva ou o novo
Concello
Ordes, 31 de xaneiro de 2014.- O Partido Popular votou en contra no pleno de onte da
proposta de Alcaldía de ceder, sen abordar previamente o asunto por outras
vías, á Consellería de Medio Ambiente, Territorio e Infraestruturas da Xunta a
titularidade da estrada que enlaza Ordes con Cerceda (tamén coñecida como
estrada de Mercurín), así como o tramo da Rolda Leste, atravesando o parque
empresarial ata a AC-524, tramo este de recente execución, por entender que con
esta iniciativa o equipo de Regos só busca desviar a atención sobre a súa
responsabilidade en relación coa mal estado que presenta este vial.
Recordou
o portavoz do Grupo Municipal do Partido Popular, José Luis Martínez, que o mal
estado do vial leva anos xestándose e que durante ese tempo o Concello puido
ter adoptado medidas para frear a deterioración da capa de rodadadura, sen
chegar á situación actual, na que a estrada presenta tramos repletos de
fochancas que dificultan a circulación. Trouxo o portavoz popular a colación no
transcurso do debate, que alomenos en dúas ocasións se brindou ante o goberno
local, negociar a concesión de unha axuda por unha contía máis acaída aos
tempos que corren, sendo rexeitada esta medida polo alcalde.
O problema de Ordes é o alcalde, non a titularidade
da estrada
Neste
sentido, Martínez Sanjurjo matizou que máis que a cesión da titularidade dunha
estrada, “o que os veciños de Ordes precisan realmente é a cesión da Alcaldía,
de maneira que Regos deixe paso a unha persoa capaz e valente, que xestione os
desafíos que o Concello ten plantexados,
en lugar de agocharse, escapar dos problemas e tratar de mirar a outro lado co
fin de buscar sempre culpables foráneos, tratando de ocultar que o verdadeiro
responsable da situación actual é el mesmo”.
Recorda,
Martínez Sanjurjo que as inxentes sumas económicas derrochadas por Manuel Regos
en proxectos de escasa ou nula utilidade para o pobo, como a ampliación da
Alameda, a cafetería VIP da cidade deportiva ou o novo Concello poderían ter
servido para financiar actuacións de primeira necesidade, e demandadas polos
veciños como a estrada de Mercurín, e tantas outras que presentan un estado
calamitoso por mor da deixación de responsabilidades do alcalde.
“Se o
argumento para dar en cesión a estrada de Mercurín é o seu mal estado, a este
paso, corremos o risco de entrar nunha dinámica perigosa que nos leve a propoñer
a cesión de todo o Concello, dada a penosa situación na que se atopan a maioría
das infraestruturas e equipamentos de titularidade municipal”, conclúe o
voceiro popular.