·
Ademais, de manter o formato elixido, podería ter
aforrado o 60% dos gastos dos festival rock se solicitara acollerse ás axudas
da Deputación
· Para actuacións de intérpretes profesionais, a Deputación financia o 50% do
custe da actuación con arranxo a unhas tarifas prefixadas, pero o Concello
preferiu tirar os cartos nunha actividade sen rendibilidade algunha
Ordes, 2 de outubro de 2013.- O Partido Popular entende que cos 10.000
euros que o Concello de Ordes destinou a un festival de rock celebrado no campo
da feira no primeiro fin de semana de setembro, sen asistencia de público e con
grupos foráneos, poderíase ter organizado un festival no que actuasen os grupos
locais.
Na actualidade, en
Ordes existen cinco grupos musicais (Dios ke te crew, Chícharo
psicótico, A cona ye-ye, Superoito, N.O.M.) que ensaian e actúan
regularmente, e ben merecen a atención do Concello, aínda que tan só sexa un
día ao ano.
A diferenza do acontecido no festival do primeiro venres de setembro, no
que uns artistas ollaron aos outros, de ter actuado os grupos locais, a asistencia
de público estaría asegurada.
Paralelamente, o Partido Popular denuncia que, aínda que se mantivera o
formato finalmente elixido, o Concello podería ter aforrado ata o 60% dos cartos de ter solicitado acollerse á programación de
intérpretes profesionais da rede cultural da Deputación da Coruña para o ano
2013.
Este programa subvenciona cun 50% o custe da actuación e do equipo,
correndo o 50% restante a cargo do concello organizador. É dicir, tendo
solicitado esta actuación o Concello aboaría aos intérpretes pouco máis de
4.000 euros, en lugar dos 10.000€ que o alcalde recoñeceu no Pleno do pasado
xoves.
“Unha
vez máis, o alcalde de Ordes volveu derrochar cartos a manchea, esquecendo que
o presuposto municipal é dos veciños, aos que, por outra parte, priva de
servizos públicos esenciais por falta dos cartos que derrocha sen sentido”,
afirma José Luis Martínez, portavoz municipal do Partido Popular de Ordes. “Non
só derrochou 10.000€, senón que o fixo nun festival ao que os veciños deron as
costas e se celebrou sen público, cos músicos tocando para as farolas”, agrega
Martínez Sanjurjo.
