·
O alcalde engana aos veciños para ocultar a súa responsabilidade, xa que a
Deputación se limita a recadar un imposto exclusivamente municipal, a un tipo
de gravame aprobado polo Pleno
·
O alcalde de Ordes xerou unha débeda de máis de 9 millóns de euros a pesar
de ter duplicado a recadación, mentres os resultados non se ven por ningures
·
Resultado do CATASTRAZO para un ben inmoble de 50.000 euros de valor: IBI
no 2006 de 200 euros, no 2013 de 308,55 euros (+54,27%), e no 2022 de 472 euros
(+136%)
Ordes, 9 de setembro de 2013.- O alcalde de Ordes continúa enganando aos veciños, ao ocultarlles que a
brutal subida do IBI -que roldará o 53% en 10 anos- foi decidida
unilateralmente polo pleno do Concello, cos votos a favor de UXO e o PSOE.
Por iso, o PP de
Ordes esixe ao alcalde que deixe de enganar aos contribuíntes que dende fai
dúas semanas multiplican as súas queixas no Concello, onde o rexedor, tratando
de ocultar a súa responsabilidade exclusiva, trata de culpar da subida a outras
administracións.
Neste sentido, o
PP de Ordes aclara tamén que a Deputación da Coruña non ten responsabilidade
algunha nesta subida, xa que o IBI é un imposto exclusivamente municipal no que
a administración provincial se limita a recadar os importes acordados polo
pleno corporativo. O gravame a aplicar en 2014 (e que se traslada xa as
comunicacións que os veciños están comezando a recibir estes días) foi aprobado
no pleno de xuño cos votos a favor de UXO e PSOE. Publicado no BOP nº 162, do
27 de agosto de 2013.
Quebranto para as economías domésticas
O Partido Popular
volverá reclamar no vindeiro Pleno que o alcalde explique por qué decidiu
solicitar a revisión de valores catastrais a finais de 2011, nun momento de
intensa crise económica, e a sabendas de que a subida do IBI ía provocar un
notable quebranto sobre as economías domésticas.
A revisión dos
valores catastrais, unida á subida do gravame aplicable a cada unha das
propiedades ten como consecuencia unha notable subida no recibo da contribución
que deben aboar todas as persoas que posúan algunha propiedade (ben inmoble) no
Concello de Ordes.
No seguinte
cadro, exprésanse os gravames que se aplicaban no ano 2006 antes da chegada de
Regos á Alcaldía, no presente ano 2013, e no vindeiro ano 2014, no que comezan
a aplicarse os novos valores catastrais, resultado da valoración colectiva nos
bens do noso Concello impulsada por UXO.
|
Tipo/gravame
|
2006
|
2013
|
2014 (ponencia)
|
|
Urbana
|
0,40%
|
0.6171%
|
0,60%
|
Exemplo
A modo de
exemplo, mentres que un ben inmoble (casa, piso, nave, solar, garaxe, almacén,
...) cun valor catastral de 50.000 euros pagou en 2006 un total de 200 euros de IBI aplicando o gravame de
entón do 0,40%, no presente exercicio 2013 (logo de mais de 6 anos de Regos
como alcalde) ese imposto terá medrado en 108,55 €, un 54,27%, resultado de
aplicar o gravame do 0,6171%, e que dará como resultado un recibo de 308,55 euros.
De cara ao futuro inmediato, logo da subida de
base liquidable derivada da nova valoración colectiva, e do tipo de gravame
aprobado polo goberno local no pleno de xuño co apoio do PSOE, para o ano 2022,
esa mesma vivenda tributará en torno a 472
euros; un 236% do ingresado en 2006.
Máis de 9 millóns de débeda duplicando os impostos
Recorda o Partido
Popular que Regos xerou unha débeda superior aos 9 millóns de euros, sen
incluír xuros, o que supón unha pesada hipoteca que todos os veciños deberán
seguir pagando ata o ano 2022. E, mentres, duplicou amplamente a recadación de
impostos en pouco mais de 6 anos.
“Á vista de que o
Concello de Ordes provocou un burato de máis de 9 millóns de euros ao tempo que
duplicou o importe dos impostos recadados, resulta imposible entender o pésimo
estado de todos os servizos e equipamentos de titularidade municipal”, afirma o
portavoz municipal do PP, José Luis Martínez. “¿Qué manobras fixo o alcalde con
tantos cartos?”, insiste en preguntar o voceiro popular.
Consulta aquí o bop: BOP IBI
