·
A ausencia de labores de mantemento por parte do Concello
fai que algunhas desas instalacións estean cubertas pola maleza e case
ilocalizables
Ordes, 25 de xuño de 2013.- O Partido Popular de Ordes reclamará, no Pleno desta
semana, que o Concello revise e acondicione os diferentes depósitos de almacenamento
de auga para a extinción de incendios forestais, dado que a ausencia de
mantemento fai que boa parte destes equipamentos estean practicamente cubertos
pola maleza e, polo tanto, case ilocalizables para os efectivos que combaten o
lume.
Coa
chegada do verán increméntase o risco de incendios forestais, o que esixe que
os medios dispoñibles para combater esta lacra presenten as mellores condicións
de uso.
O
Partido Popular constatou os puntos de acopio de auga situados en diferentes lugares do Concello de
Ordes presentan un estado lamentable que non só dificulta a súa utilización, en
caso necesario, polos efectivos contraincendios, senón que tamén constitúen un
perigo, dada a falta de sinalización e a escasa ou nula visibilidade que
presentan.
Para
superar esta situación, o PP local instará ao equipo de Goberno a revisar e
acondicionar, no prazo máis breve posible, os depósitos de captación de auga
para vehículos contraincendios e o contorno destas instalacións.
José
Luis Martínez, portavoz municipal do Partido Popular de Ordes, enmarca a falta
de mantemento dos puntos de captación de auga para os efectivos contraincendios
no “clima de deixadez xeral que caracteriza a xestión do Concello”.
