·
A sede local do PP de Ordes, aos igual que outras sedes
de partidos en toda Galicia, foi obxecto dun atentado en xuño de 2011
Ordes, 30 de xaneiro de 2013.- O Partido Popular de Ordes trasladará ao pleno municipal
previsto para o próximo xoves unha moción na que propón que a totalidade da
corporación exprese o seu rexeitamento a calquera tipo de terrorismo por atacar
os fundamentos da convivencia democrática e por en risco a integridade física
dos galegos e galegas, condenando específicamente as actividades de
“Resistencia Galega”.
Con
esta moción, o Partido Popular pretende expresar, ademais, o apoio e
recoñecemento ao labor que desenvolven os corpos e forzas de seguridade do
Estado na loita contra o terrorismo en Galicia e reiterar o compromiso
inquebrantable coas fórmulas de participación política, as únicas aceptables e
compatibles co sistema democrático.
A
sede local do Partido Popular de Ordes foi obxecto, o 13 de xuño de 2011, dun
atentado que se saldou con graves danos materiais sen que, afortunadamente, se
producisen danos persoais. Noutros lugares de Galicia, téñense rexistrado, nos
últimos anos, con anterioridade e posterioridade a esa data, feitos similares
atribuídos, na maior parte dos casos, ao grupo “Resistencia Galega”.
En
datas recentes, unha operación policial saldouse coa detención de presuntos
integrantes desta organización violenta, feito ao que seguiron graves destrozos
e incidentes protagonizados por elementos radicais en Santiago de Compostela.
Unidade das forzas democráticas
Neste
escenario, o portavoz municipal do Partido Popular de Ordes, José Luis Martínez
Sanjurjo, considera necesario escenificar a unidade de todas as forzas
políticas democráticas para reiterar o rexeitamento a calquera forma de
violencia e trasladar o apoio inquebrantable aos membros dos corpos e forzas de
seguridade que, co seu traballo, contribúen e protexer ao conxunto da sociedade.
