·
A
modificación, impulsada polo PP a través dunha moción, foi aprobada definitivamente no Pleno da
pasada semana
Ordes, 31 de outubro de 2012.- A moción impulsada polo Partido
Popular de Ordes para reducir nun 75% o imposto sobre construccións,
instalacións e obras (ICIO) aplicable ás explotacións gandeiras e agropecuarias
deste municipio rematou a súa tramitación no Pleno celebrado o pasado xoves día
25, que aprobou a modificación da ordenanza fiscal que regula esta taxa.
Con este trámite, materializouse
o compromiso adquirido no Pleno municipal de finais de setembro, no que a
Corporación aprobou unha moción impulsada polo portavoz municipal do Partido Popular para axudar ao sector
primario de Ordes, oprimido polas estreiteces económicas derivadas da falta de
rendibilidade das explotacións.
A modo de exemplo, José Luis Martínez,
sinala que construír un establo de 500 metros cadrados de superficie implica,
antes da bonificación impulsada polo PP, pagar ao Concello unha taxa de máis de
2.500 euros.
“Con esta iniciativa, o Partido
Popular volve demostrar que é o único
que está ao carón dos problemas da xente, mentres os demais se
atrincheiran nos despachos por temor a mancharse de realidade”, afirma Martínez
Sanjurjo.
O Partido Popular felicítase pola implantación desta rebaixa e adianta
que nos vindeiros plenos continuará propoñendo medidas factibles que redunden
en beneficio dos veciños de Ordes.
