· Martínez Sanjurjo interpreta o
crecente respaldo electoral acadado polo PP como unha aposta dos ordenses polo
rigor e a seridade que caracterizan a xestión de Feijóo
· O PP acadou o apoio do 54,43% do
electorado de Ordes, case oito puntos máis que hai catro anos
Ordes, 22 de outubro de 2012.- O Partido Popular de
Ordes agradece o “inmenso caudal de confianza” recibido onte nas urnas, nas
que, co 54,43% dos votos, rexistrou un incremento de preto de oitos puntos
respecto ás autonómicas de 2009, nas que acadara o 46,69% dos sufragios.
José Luis Martínez
Sanjurjo, portavoz municial do Partido Popular de Ordes, sinala que “do mesmo
xeito que con humildade pedimos o voto para a nosa formación, con humildade
saberemos administrar a victoria electoral”.
Ordes aposta pola seriedade e o rigor de Feijóo
Os populares ordenses
atribúen o crecemento rexistrado onte a unha clara aposta dos ordenses polo
rigor, a seriedade, a transparencia e a honestidade que caracterizan ao
presidente Fejóo e a súa maneira de xestionar os recursos públicos.
Ao tempo que agradece o
respaldo maioritario acadado onte nas urnas, Martínez Sanjurjo valora o esforzo
desenvolvido polo amplo equipo de militantes e simpatizantes do Partido Popular
de Ordes, que levaron a cabo unha intensa axenda de traballo, tanto durante a
precampaña, como na campaña electoral propiamente dita.
A elevada afluencia
rexistrada nos tres actos electorais organizados polo PP de Ordes nesta campaña
(en Montaos, Mesón do Vento e Ordes) constitúe un motivo de satisfacción para
os populares ordenses, que, ademais, valoran especialmente o apoio permanente
do presidente Feijóo, que acudiu á vila para participar no mitin central,
celebrado pasado martes, 16 de outubro.
