· Terá
lugar o próximo sábado 10 de novembro, ás 21,30 horas, no Restaurante O Túnel,
onde xa se poden efectuar as reservas a un prezo de 25 euros/comensal
· Asistirá
a presidenta provincial da AECC da Coruña, Elena Viturro
· Os
organizadores sortearán entre os asistentes diferentes agasallos doados por
comercios e empresas de Ordes
Ordes, 5 de novembro de 2012.- A delegación da Asociación Española de Loita
contra o Cancro (AECC) en Ordes celebrará o próximo sábado, 10 de novembro, ás
21,30 horas, a segunda edición da súa cea benéfica anual orientada a recadar
fondos para financiar as actividades desta entidade sen ánimo de lucro e
concienciar á sociedade sobre esa doenza.
A presidenta da delegación local da Asociación contra o Cancro en Ordes
e organizadora do evento, Emilia Vázquez, anima aos veciños a asistir a esta
cea benéfica, que se celebrará no Restaurante O Túnel, onde xa se poden efectuar
as reservas e adquirir os vales de asistencia, a un prezo de 25 euros por
comensal.
Durante a cea, os organizadores sortearán diferentes agasallos cedidos
de balde por empresas e comercios da vila.
A cea benéfica contará coa asistencia da presidenta provincial da
Asociación Española contra o Cancro da
Coruña, Elena Viturro.
A organización tamén
habilitou unha “Mesa Cero” para aquelas persoas que desexen colaborar economicamente
coa Asociación Española contra o Cancro aínda que non asistan á cea.
