· O venres reúnse cos veciños de Barbeiros, o sábado cos de
Poulo e o domingo en Vilamaior
· “Mentres o alcalde cambia de acera para evitar cruzarse cos
veciños, o PP da a cara e vai ao encontro dos problemas da xente”, afirma
Martínez Sanjurjo
Ordes, 23 de
novembro de 2012.- O Partido Popular de Ordes continúa esta fin de semana a rolda de
reunións que está a celebrar nas diferentes parroquias para explicar o labor de
oposición que está a desenvolver no Concello e tomar nota das necesidades dos
veciños coa intención de plantexalas logo no Pleno e nas comisións municipais.
Este venres, 23 de novembro, ás 21,00 horas, o
portavoz municipal do Partido Popular, José Luis Martínez Sanjurjo, acompañado
de outros concelleiros populares da corporación, reunirase cos veciños de
Barbeiros no local da escola, no
Cruceiro.
Mañá sábado, ás 21,00 horas, a reunión será cos
veciños de Poulo, na casa da escola, en A Senra.
Xa o domingo, 25 de novembro, ás 13,00 horas, a
reunión será cos veciños de Vilamaior, no local social da escola de Os Marchás.
Xa a próxima semana, o venres 30 de novembro, ás
21,00 horas, a reunión será no local social de Buscás.
Martínez Sanjurjo enmarca estes encontros no
compromiso adquirido na campaña das pasadas eleccións municipais, na que
asegurou que o Partido Popular estaría sempre ao carón dos veciños e veciñas. E
argumenta que “mentres o alcalde cambia de acera para evitar cruzarse cos
veciños, o PP da a cara e vai ao encontro dos problemas da xente”, afirma
Martínez Sanjurjo.
