· Militantes e simpatizantes da
formación que preside Feijóo, encabezados polo portavoz municipal en Ordes,
José Luis Martínez Sanjurjo, protagonizaron a pegada de carteis a pasada
medianoite na Alameda da vila
Ordes, 5 de outubro de 2012.- O Partido Popular de
Ordes iniciou a pasada medianoite, coa tradicional pegada de carteis realizada
na Alameda da vila, a campaña das Eleccións Autonómicas que se celebrarán o
vindeiro 21 de outubro.
Militantes e simpatizantes
do Partido Popular, encabezados polo portavoz municipal, José Luis Martínez
Sanjurjo, pola presidenta da xestora local do PP, Estrella Vázquez Varela, e
outros concelleiros deron o pistoletazo de saída a unha campaña na que se
dispoñen a traballar arreo para acadar a reelección de Alberto Núñez Feijóo como
presidente da Xunta de Galicia.
Durante a campaña, o
Partido Popular explicará a xestión desenvolvida polo Partido Popular durante a
lexislatura e apelarán ao voto útil e responsable para que a formación que
dirixe Feijóo poda revalidar maioría absoluta.
Comparar a xestion de Feijóo coa de outras Comunidades
O PP de Ordes convida aos
electores a comparar a xestión responsable de Feijóo, que converteu á Xunta de
Galicia na Administración autonómica máis solvente de España, que paga ao día
as súas facturas e non precisou acollerse a fondo de liquidez, que sí
solicitaron xa outros gobernos autonómicos como o catalán ou o andaluz.
“E convén ter presente que
mentres outras Comunidades deberán dedicar os seus recursos a pagar a débeda
contraída, a Xunta, gracias á xestión de Feijóo, dispón de fondos para facer
fronte ás necesidades dos cidadáns”, recorda José Luis Martínez, portavoz municipal
do PP de Ordes.
En opinión de Martínez
Sanjurjo, o lema da campaña do PP, “Galicia Primeiro” define á perfección a filosofía de Feijóo e
do seu equipo, dado que non se presenta contra ninguén, ten como único
obxectivo superar a crise a antepón sempre os intereses de Galicia fronte a
calquera outra consideración. 
