· A decisión do Concello de rescindir unilateralmente o contrato coa empresa
que ata o de agora xestionaba o recinto sitúa aos traballadores nunha situación
de clara indefensión laboral e perda de dereitos
· “Estas son as consecuencias das arroutadas do alcalde, que toma decisións
caprichosas sen reflexionar sobre as súas consecuencias”, afirma o voceiro do
PP
Ordes, 4 de outubro de 2012.- Tan só unha semana despois de
asegurar no Pleno municipal que o Concello de Ordes ía respectar as condicións
laborais do persoal da piscina climatizada logo de rescindir o contrato da
empresa concesionaria, o Goberno de Regos xa está a incumprir a palabra dada.
Os traballadores,
que estes días están a ser citados no Concello, sufrirán un grave deterioro das
súas condicións laborais, xa que no lugar de unha subrogación deberán asinar
novos contratos nos que non se lles respectan dereitos adquiridos, como a
antigüidade.
Evitar despedimentos
Ante esta situación,
o Partido Popular de Ordes advirte que adoptará unha actitude vixiante para
evitar que o Concello poda lesionar as condicións laborais dos traballadores da
piscina e impedir que se produzan despedimentos.
José Luis
Martínez Sanjurjo, portavoz municipal do Partido Popular de Ordes, sinala que
“éstas son as consecuencias das arroutadas do alcalde e da vicealcaldesa, que
toman decisións caprichosas, sen reflexionar sobre as consecuencias legais e
laborais que se poden derivar de tales medidas”.
Difícil encaixe legal
A decisión do
Concello de Ordes de rescindir o contrato coa concesionaria da piscina
climatizada e asumir directamente a xestión do complexo ten provocado serias
tensións no seo do equipo de Goberno, dado o difícil encaixe legal da medida, e
así ten sido acreditado polo Partido Popular.
