·
A instalación data da década dos 80 e precisa dunha
rehabilitación que mellore a súa funcionalidade, tanto para os mais de 360
alumnos do centro, como para os restantes usuarios
· No pleno deste xoves, o PP local tamén instará ao
Concello a reclamar da empresa constructora os danos que xa presentan as obras
de ampliación da Alameda
·
O PP cuestiona o hipotético plan de rebacheo do Concello,
dado o mal estado de moitos viais
Ordes, 25 de xullo de 2012.- A situación de
deterioración, derivada do paso do tempo e do uso continuado do pavillón, que
presenta o polideportivo do CEIP Campomaior de Ordes, leva ao Partido Popular a reclamar do
Concello que execute as obras de mellora desta instalación con cargo aos fondos
asignados a este municipio no marco dun novo plan de investimentos da Deputación
da Coruña para o ano 2012.
O
pavillón do colexio Campomaior ten a súa orixe nunha pista descuberta executada
a mediados da década dos anos oitenta, pero a día de hoxe, precisa dunha posta
ao día, que, en opinión do Partido Popular de Ordes, debería incluír a
substitución da cuberta e dos paramentos verticais para mellorar o illamento, a
iluminación e a acústica, instalar unha nova pista sobre a actual base de formigón,
ademais de mellorar os vestiarios e aseos.
As
obras de reforma deste pavillón non só beneficiarían aos mais de 360 rapaces escolarizados
neste centro, senón tamén aos usuarios que se desprazan a esta instalación fóra
do horario lectivo para practicar deporte. En diferentes ocasións, este pavillón
ten acollido, ademais, actividades
diversas con presenza de público.
Desperfectos na ampliación da Alameda
Ao
tempo, o Partido Popular trasladará ao Pleno os crecentes desperfectos que
presentan as obras de ampliación da Alameda, a pesar do escaso tempo transcorrido
desde que remataron os traballos.
“As
obras de ampliación da Alameda Municipal non só supuxeron un gasto desmesurado no
pasado mandato; agora, o paso do tempo encárgase de demostrar que os traballos
se desenvolveron cunha máis que probable neglixencia por falta dunha correcta
planificación, o que explicaría os desperfectos que rexistra o firme, as
filtracións de auga aos locais inferiores e mesmo o deterioro estético que
presentan os laterais, especialmente o muro contiguo ás escaleiras que
comunican a parte inferior da alameda co parque municipal, intermedio co hotel”,
afirma o portavoz municipal do PP de Ordes, José Luis Martínez Sanjurjo.
Neste
contexto, o Partido Popular esixe ao Concello que adopte as medidas necesarias
para reclamar os danos á empresa que executou as obras e a inste a corrixir as
deficiencias no prazo máis breve posible.
Plan de rebacheo
A
través de outro dos rogos que presentará no Pleno deste xoves, o Partido Popular pretende ter acceso ao
suposto plan de rebacheo do Concello de Ordes, dado o mal estado de conservación
que presentan moitas vías deste municipio. Como exemplo, o PP cita a pista que
discorre entre a parroquia de Lesta e o núcleo de Pepín (Mercurín), e que
continúa sen arranxarse, a pesar das reiteradas demandas formuladas polo
Partido Popular.
Outros asuntos
No
Pleno ordinario previsto para mañá no Concello de Ordes, o Partido Popular
formulará, tamén, as seguintes iniciativas:
· Moción para
reducir drásticamente o gasto do Concello en dietas e soldos da Corporación
municipal.
· Rogo para
acceder a unha copia da documentación que o Concello enviou á Xunta para o
informe previo á aprobación inicial do PXOM.
·
Rogo para
colocar un espello que mellore a seguridade viaria no lugar de A Rúa (Buscás),
facilitando a incorporación de vehículos.
· Rogo para
que a Policía Local de Ordes incremente as patrullas e as faga extensivas aos
diferentes núcleos rurais do municipio para previr a inseguridade.
· Pregunta
sobre a situación do peche perimetral executado polo Concello nunha finca
situada ao carón da rolda leste e o parque empresarial.
· Pregunta
sobre a inclusión de 16 persoas do Grumir no cadro de persoal do Concello para
2012.
Toma posesión dun novo concelleiro do PP
No
Pleno desta semana tamén tomará posesión o novo concelleiro do Partido Popular,
Luis Caamaño Fraga, da parroquia de Parada, que accede a este cargo en
substitución de Pedro Carrasco, que renunciou á súa acta de concelleiro por
razóns de carácter persoal.
