· Regos pacta cos herdeiros de Zapatero para manter as
indemnizacións excesivas aos seus concelleiros de goberno
· O PP reclama a inmediata reposición dun paso de peóns que
o alcalde eliminou, ás tres da mañá, na rúa do Recreo
Ordes, 27 de xullo de 2012.- O alcalde de Ordes, o independente Manuel Regos, valeuse
do apoio do seu antigo socio do PSOE para rexeitar, no Pleno celebrado este xoves,
a proposta coa que o Partido Popular propoñía reducir nun 24% o gasto da
corporación municipal.
Para
poñer coto á proliferación de convocatorias extraordinarias impulsadas polo
alcalde, incluíndo o exceso de comisións informativas, en moitos dos casos
baleiras de contido e coa única finalidade de incrementar os ingresos dos
membros do equipo de Goberno en concepto de dietas, o Partido Popular defendeu
no pleno deste xoves unha moción para reducir dietas e soldos da corporación
ata lograr un aforro de 112.000 euros nos tres anos que restan de lexislatura.
Este
aforro lograríase suprimindo as indemnizacións por asistencia a plenos e comisións
extraordinarias, reducindo as indemnizacións por asistencia á Xunta de Goberno
local e a comisións informativas, e reducindo o soldo do alcalde nun 7,1%, o
equivalente ao importe dunha paga extraordinaria.
Sen
embargo, o enrocamento do alcalde impediu aprobar esta proposta, para o que se
decantou por unha iniciativa do PSOE que só reducirá o gasto nun 5%, fronte ao 24%
que propoñía o Partido Popular.
Dietas inadmisibles
José
Luis Martínez Sanjurjo, portavoz municipal do Partido Popular, cuestiona que o
alcalde de Ordes “antepoña os seus propios intereses e os dos seus
concelleiros, sableando ao Concello con dietas inxustificables neste momento de
intensa crise”. Admite Martínez Sanjurjo, sen embargo, que “non nos sorprende o
rexedor perpetre esta medida valéndose do apoio dos sucesores de Zapatero, o
peor presidente da historia democrática da España e que será recordado por
levar o país á ruína, como está a facer Regos co Concello de Ordes”.
O PP
de Ordes lamenta tamén que no pleno ordinario de onte o Concello se negase a
incluír a rehabilitación do pavillón polideportivo do CEIP Campomaior no
programa de investimentos da Deputación da Coruña, a pesar de que se trata
dunha instalación de titularidade municipal, que presenta un avanzado estado de
deterioro.
“Desaparece” un paso de peóns no Recreo
O
Partido Popular aproveitou o pleno para preguntar pola recente “desaparición”
dun paso de peóns na rúa do Recreo, a pesar de que fora pintado recentemente,
logo das obras de conservación efectuadas neste vial titularidade da Deputación
de A Coruña.
O
Partido Popular denuncia que este paso de peóns foi eliminado seguindo indicacións
do Alcalde, obviando a posteriori as demandas formuladas por numerosos veciños
da zona, que reclaman novamente esa sinalización horizontal para poder
atravesar a rúa con seguridade, dada a elevada densidade de tráfico que
rexistra.
O
Partido Popular interpreta este feito como unha mostra máis do comportamento
“dictatorial e caciquil do alcalde de Ordes, que é capaz de facer calquera
cousa, ignorando os intereses dos veciños, con tal de contentar aos seus
amigos”.
Por
iso, o Partido Popular reclama a inmediata reposición do paso de peóns
eliminado polo alcalde de Ordes, con nocturnidade e alevosía. De feito, para eliminar
esa sinalización, o Concello mobilizou ao persoal do Grumir local ás 03:00
horas, unha hora coa que trataba de evitar a ira dos veciños efectuados.
