· Regos deixa a cada veciño unha débeda per cápita de 786,2 euros e un Concello abocado a reducir servizos
municipais e subir os impostos
·
O Concello carecía de recursos para afrontar as débedas a
curto prazo, mentres aumentaban os pagos pendentes de exercicios anteriores;
agora en parte saldados co crédito ICO por importe de 2,8 millóns de euros
·
“Regos e os seus concelleiros baleiraron as arcas
municipais sen ofrecer contraprestacións ao conxunto dos veciños”, afirma o
voceiro do PP de Ordes
Ordes, 13 de xuño de 2012.- O informe elaborado polo Interventor de Ordes en
relación coa conta xeral deste Concello correspondente ao ano 2011 volve
advertir, como xa fixera noutros documentos anteriores, que o equipo de Goberno
que dirixe Manuel Regos está a incumprir o plan de saneamento aprobado no ano
2009, situando as finanzas municipais
nunha situación calamitosa.
Así
as cousas, ao rematar o exercicio presupostario de 2011, o Concello de Ordes
presentaba unha débeda total de 10.180.086,29
euros, cifra que supón unha débeda per
cápita de 786,20 euros por veciño.
Futuro con menos servizos e máis impostos
municipais
A
herdanza que deixan tras de sí os cinco anos de Manuel Regos á fronte da
Alcaldía de Ordes tradúcese non só nunha abultada débeda que deberán pagar os
veciños, senón tamén nun inminente recorte dos servizos municipais e un
incremento das taxas e impostos sobre as que ten competencia o Concello.
A
delicada situación económica do Concello de Ordes leva ao interventor municipal
a advertir que cun fondo de manobra negativo
que supera os 3,5 millóns de euros, “o Concello non é capaz de saldar as
débedas a curto prazo cos recursos dos que dispón”. Na mesma liña, chama a atención
sobre o “importante incremento das obrigas pendentes de pago de exercicios
anteriores”.
Respecto
ás obrigas pendentes a 31 de decembro de 2011, o PP local agarda que todas fosen
saldadas co crédito ICO concedido a través da liña de financiamento para o pago
a proveedores do goberno central, por importe de 2,8 millóns de euros, pero que
van supoñer nos 10 anos de devolución (ata xuño do 2022) uns intereses de mais
de 1 millón de euros para o Concello de Ordes.
Na
liña doutros informes recentes, o técnico
municipal recomenda diminuir os gastos non estrictamente necesarios para o
funcionamento do Concello e a prestación de servizos esenciais. Tal recomendación caeu ata o de agora en
saco roto, como quedou acreditado coa propensión do alcalde a derrochar fondos
públicos tanto en obras inservibles, como en financiar equipamentos de escaso ou
nulo interese para os veciños (carpas, comilonas, etc).
Arcas baleiras
Para
o voceiro municipal do Partido Popular de Ordes, “o negro panorama debuxado no
informe sobre a Conta Xeral de 2011 confirma, punto por punto, os pronósticos
efectuados tempo atrás polo PP e que o alcalde tildaba entón de infundados. A realidade
é teimuda e agora certifícase a estratexia económica suicida seguida por Regos
e os seus concelleiros, que baleiraron as arcas municipais sen ofrecer contraprestacións
que beneficiasen ao conxunto dos veciños. Lamentablemente, os feitos demostran
que Ordes carece do Goberno local que os veciños necesitan e merecen”.
