· O interventor lamenta que o
Goberno local teña feito caso omiso das súas advertencias e sinala que o Concello
debe tomar medidas drásticas “que non poden demorarse nin un instante máis”
· Os excesos cometidos polo Goberno
de Regos durante 2011 tradúcense en gastos extrapresupostarios de máis de
936.000 euros e unha desviación orzamentaria de 3,6 millóns de euros, cifra
astronómica para un Concello de escasos 13.000 habitantes
·
Para o voceiro popular, resulta
dramático que tanto derroche se esfumase sen que os veciños que van pagar as
débedas se beneficiasen de servizo algún
Ordes, 24
de maio de 2012.- Cada día que pasa, o Concello de Ordes
asómase máis ao abismo presupostario, e así o acredita un recente informe do
interventor municipal, no que denuncia o “total incumprimento” do Plan de
Saneamento aprobado no ano 2009 e alerta de que o Goberno local debe tomar medidas
drásticas que “non poden demorarse nin un instante máis”, dada a gravidade da
situación e a pasividade do alcalde, a pesar de que “estas medidas veñen sendo
esixidas por esta intervención”.
Este informe da
interveción municipal é unha esixencia da norma estatal que regula o plan de
saneamento municipal de 2009, que daquela permitiu ao Concello de Ordes obter
un crédito de algo máis de un millón de euros.
Entre outros datos
alarmantes, o informe do interventor sinala que durante o exercicio de 2011, o
Goberno local de Manuel Regos xerou gastos extrapresupostarios que superan os
936.000 euros. Mentres, e tan só en 2011, a desviación presupostaria xerada
ascende a 3.163.000 euros (remanente líquido negativo de tesourería).
Trátase, en opinión do PP local,
dunha cifra “astronómica” para un Concello de escasos 13.000 habitantes,
durante un exercicio no que, máis aló da custosa campaña electoral desenvolvida
polo actual alcalde, os servizos municipais enfilaron unha espiral de
deterioro.
Mais de 10M€
de débeda municipal
No seu conxunto, e sumando
o crédito de 2,7 millons de euros que se
ven de formalizar no marco do plan de pago a proveedores do Ministerio de
Facenda (e que suporá mais de un millón de euros máis en xuros), o Concello de
Ordes amorea unha débeda de mais de 10 millons de euros, que deberán pagar
todos os veciños cos seus impostos.
En opinión do portavoz
municipal do Partido Popuar de Ordes, José Luis Martínez Sanjurjo, resulta
dramático que todo o derroche cometido polo Concello de Ordes se esfumase sen
que veciños se beneficiasen de mellora algunha nos servizos públicos que
reciben e, pola contra, sexan condenados a padecer en carne propia os efectos
da política que levou o Concello á bancarrota.
