·
O prazo rematará o 20 de
novembro do 2013 e a partir desa data os pagos terán un recargo automático do
5%
·
Os recibos que se porán ao cobro
serán os do IBI, o IAE e a taxa de recollida do lixo de 82 concellos e un
consorcio
A Coruña, 18 de setembro
de 2013.- A Deputación da Coruña abriu xa o período de pago voluntario do Imposto
sobre Bens Inmobles (natureza rústica, urbana e características especiais); o
Imposto sobre Actividades Económicas; e determinadas taxas e prezos públicos
municipais coma a taxa de recollida de lixo, de rede de sumidoiros, vaos, etc. naqueles
concellos nos que a xestión tributaria está delegada na institución provincial.
Este período voluntario estará aberto ata o 20 de
novembro do 2013. Os pagos realizados despois desa data e ata o 31 de decembro
xerarán automaticamente un recargo do 5%
En total, a Deputación xestiona o cobro dos tributos e
taxas en 82 concellos e un consorcio, sendo o de Ames o último en delegar a
xestión das súas taxas na Deputación neste ano.
Os concellos que deciden delegar o cobro dos seus
tributos e prezos públicos na institución provincial benefícianse durante todo
o ano dos adiantos mensuais do 90% da previsión da recadación, o que supón unha
importante achega para os concellos porque contan coa liquidez necesaria para
afrontar os seus gastos independentemente de que os cidadáns paguen ou non os
seus impostos.
Ademais, en casos excepcionais, a Deputación ten abonado
con antelación hasta tres meses da recadación prevista para facer fronte a
obrigas ou pagos extraordinarios por parte dos concellos.
O último destes adiantos tivo lugar no mes de xullo,
cando a Deputación puxo a disposición dos 82 concellos e o Consorcio das
Mariñas un total de 25 millóns de euros para afrontar o plan de pago a
provedores que esixiu o goberno estatal. Esta medida xa fora tomada en marzo do
2012 por primeira vez, o que axudou a evitar que algúns dos municipios da
provincia tiveran que acudir a un plan de axuste.
Listado de concellos coa
xestión de tributos delegados:
Abegondo, Ames, Aranga, Arteixo, Arzúa, A Baña, Bergondo,
Betanzos, Boimorto, Boqueixón, Brión, Cabana de Bergantiños, Cabanas,
Camariñas, Cambre, A Capela, Cariño, Carnota, Carral, Cedeira, Cee, Cerceda,
Cerdido, Coirós, Consorcio de As Mariñas, Corcubión, Culleredo, Curtis, Dodro,
Dumbría, Fene, Fisterra, Frades, Irixoa, A Laracha, Laxe, Lousame, Malpica de
Bergantiños, Mañón, Mazaricos, Melide, Mesía, Miño, Moeche, Monfero, Muros,
Muxía, Narón, Neda, Negreira, Ordes, Oroso, Ortigueira, Outes, Oza dos Ríos,
Paderne, Padrón, O Pino, Ponteceso, Pontedeume, Porto do son, Ribeira, Rois,
Sada, San Sadurniño, Santa Comba, Santiso, Sobrado dos Monxes, As Somozas, Teo,
Toques, Tordoia, Touro, Trazo, Valdoviño, Val do Dubra, Vedra, Vilarmaior,
Vilasantar, Vimianzo e Zas.
