- Sorpresa polo novo intento de Regos de apropiarse dunha iniciativa allea, neste caso aprobada por unanimidade no Pleno de outubro a proposta do PP local
- Martínez Sanjurjo recorda que Regos leva toda
a lexislatura sen presentar proposta algunha no Pleno
- “O único que sabe facer Regos e incumprir os
compromisos adquiridos no Pleno”, asevera o voceiro municipal do PP
Ordes, 11 de xaneiro de 2013.- O recente intento do alcalde de Ordes de publicitar como
propia a bonificación do 75% no imposto sobre construccións, instalacións e
obras (ICIO) aplicable ás explotacións gandeiras e agropecuarias deste concello
constitúe unha nova mostra da “clamorosa falta de ideas e de proxecto que
caracteriza ao Goberno local”, dado que esta proposta foi plantexada polo
Partido Popular.
José
Luis Martínez Sanjurjo, portavoz municipal do PP de Ordes, recorda que foi o
seu grupo o que defendeu a implantación desta bonificación do ICIO a través
dunha moción presentada no pleno municipal do pasado mes de outubro, moción que
foi finalmente aprobada por unanimidade.
Os veciños coñecen a realidade
“O
alcalde pode dicir o que lle pareza porque os veciños son perfectamente
conscientes da realidade e así o explicamos nas reunións que estamos a celebrar
nas parroquias. Por moito que Regos trate de ´vender´ a rebaixa do ICIO como
propia, os veciños de Ordes saben que foi impulsada e defendida polo PP, porque
estamos ao carón da xente e sabemos das súas necesidades e problemas”, aplica
Martínez Sanjurjo.
Os populares de Ordes enmarcan o intento de Regos de apropiarse dunha proposta do
PP no feito de que o equipo de Goberno leva todo o mandato sen trasladar ao
Pleno unha soa proposta en positivo que beneficie aos veciños.
Regos incumpre os compromisos
“Regos
limítase a convocar e asistir os plenos por imperativo legal, pero non presenta
proposta algunha, porque carecen de ideas, porque goberna de costas aos veciños
e porque non conta coa maioría necesaria para aprobar as súas propostas”,
argumenta Martínez Sanjurjo. Engade o voceiro popular que “o único que sabe facer Regos e incumprir os compromisos adquiridos no Pleno”.
