·
O Partido Popular denuncia que as inclemencias meteorolóxicas e os
problemas estructurais previos que presenta o edificio poden chegar a precipitar
derrubamentos en ausencia dunha estructura perimetral de protección.
·
O voceiro local do PP preguntará ao goberno local por este asunto no
vindeiro Pleno, ao tempo que esixe que se extremen as precaucións para evitar
posibles danos ás persoas.
Ordes, 25 de xaneiro de 2013.- A estructura de andamios que rodeaba desde setembro a antiga Casa
Consistorial de Ordes acaba de ser retirada pola empresa titular por impagamento
dos traballos xa realizados, dado que acumula unha débeda de 37.000 euros. O
Partido Popular de Ordes denuncia que este feito constitúe o enésimo
despropósito do Concello, que logo de acometer unha intervención que provocou
serios danos estructurais no edificio, agora non é capaz de resolver a
situación.
A retirada da
andamiaxe metálica perimetral pode conducir, en opinión dos populares de Ordes,
a males maiores, dado que sen esa protección, as inclemencias meteorolóxicas
desta época do ano, unidas ao delicado estado da estructura, poderían provocar desprendementos ou mesmo ao derrubamento de
parte do edificio. A maiores, o edificio xa foi desprovisto de cuberta, polo
que as intensas chuvias que se rexistran durante estes meses poden agravar os
serios danos que presentaba a construcción.
Ademais, a pasada
fin de semana, a grúa situada ao carón do edificio en obras presentou unha
situación de elevado risco por mor dun bloqueo do seu rotor. A avaría inmobilizou
a capacidade da estructura para posicionarse automaticamente e minimizar os
efectos do vento.
Evitar males maiores
Neste escenario,
o Partido Popular de Ordes esixe ao alcalde que asuma a súa responsabilidade e
extreme as medidas de seguridade no contorno do edificio, para evitar que
calquera desprendemento se poda traducir en lesións para as persoas ou
vehículos que podan transitar polas inmediacións.
O portavoz municipal
do Partido Popular de Ordes, José Luis Martínez Sanjurjo, trasladará este
asunto ao Pleno Municipal previsto para o xoves da próxima semana.
